क्षमा पुजा संगै फागुन १५ बाट मनकामना मन्दिर जीर्णाेद्धार
गोरखा ,२९ माघ । गोरखाको मनकामना स्थित मनकामना मन्दिरको आगामी फागुन १५ गते देखि क्षमा पुजा गरेर जीर्णाेद्धार कार्यको औपचारिक शुरु हुने भएको छ ।
गोरखाका प्रमुख जिल्ला अधिकारी उद्धवराज तिमल्सीना सहित जिल्ला स्थित सरकारी कार्यालय र सुरक्षा निकाय प्रमुखहरुको उपस्थितीमा बिहीवार सम्पन्न मनकामना मन्दिर जीर्णाेद्धार समितिको बैठकले सो निर्णय गरेको हो ।बैठकले मन्दिरका गजुर लगायतका बहुमुल्य धातुका सामाग्रीहरुको सुरक्षाको जिम्मा जिल्ला स्थित सुरक्षा समितिलाई दिएको छ । फागुन १५ गते क्षमा पुजा र बैदिक पुजा गरे पछि मन्दिरका सम्पूर्ण भागको जीर्णाेद्धार कार्य थालिने मनकामना जीर्णाेद्धार समितिका अध्यक्ष नरेन्द्रबावु श्रेष्ठले जानकारी दिनुभयो ।
0 comments