गोरखामा बिसिजी र एमआर खोप अभाव

Published Date :- January 26, 2015  On 12:26 PM |

गोरखामा जिल्ला अस्पताल सहित सबै खोप केन्द्रहरुमा बिसिजी र एमआर खोप अभाव भएको छ । सरकारले बोलपत्र आह्वान मार्फत खोप खरिद कार्य समयमा गर्न नसक्दा गोरखाका २५८ खोप केन्द्रमा क्षयरोग विरुद्धको बिसिजी र रुबेला दादुरा विरुद्धको एमआर खोप अभाव भएको हो । गत मंसिर १५ बाट बिसिजी र पुस पहिलो साताबाट एमआर खोपको अभाव भएको जिल्ला स्वास्थ्य कार्यालय गोरखाका प्रमुख महेन्द्रध्वज अधिकारीले जानकारी दिनुभयो । अधिकारीका अनुसार मासिक २२० भाइल खोप आवश्यक पर्दछ । बिसिजी खोप एक भाइलमा २० डोज र एमआर खोप एक भाइलमा १० डोज हुने गर्दछ । बिसिजी खोप जन्मदेख १ वर्ष भित्र र एमआर खोप जन्मिएको ९ महिना पूरा भए पछि लगाउनु पर्दछ ।

Labels: Education