बावु जेलपरे पछि अलपत्र बालकहरु पुष्पा बस्नेतलाई जिम्मा
गोरखा , २५ माघ । बावु जेल परे पछि अभिभावक विहीन भएर अलपत्र परेका २ बालक लाई प्रारम्भीक बालविकास केन्द्रले जिम्मा लिएको छ ।
आमा कल्पना आचार्यले अर्काे विहे गरे पछि र बाबु सूर्य बहादुर आचार्य कर्तव्य ज्यान मुद्दामा जेल परे पछि तिन छोरा मध्ये जेठो सुदिप र माइलो प्रदिप आचार्य अभिभावक विहीन बनेको थियो । कान्छो लाई भने उनकै आमाले संगै लगेकी छिन । जिल्ला बालकल्याण समिति गोरखाको पहलमा पालनपोषण तथा शिक्षाका लागि प्रारम्भीक बाल विकास केन्द्रलाई बुझाएको हो । ति दुई बालकहरु लाई आधिकारिक कागजात सहित आइतवार एक कार्यक्रम बीच गोरखाका महिला विकास अधिकृत सीता अधिकारीले प्रारम्भीक बाल विकास केन्द्रका अध्यक्ष एवं सिएनएन हिरो पुष्पा बस्नेत लाई हस्तान्तरण गर्नुभयो । 
0 comments